Calendari 2014

Eth nòste calendari ei un bon e originau present de Nadau.
Entàs que son luenh e non le pòden comprar ena Peluqueria Anna i Libreria Er Arèu, ara auferim era possibilitat d'arrecéber-le per corrèu postau.
Ei molt senzill, demanatz eth calendari en hemnesdeles@gmail.com tot dident era vòsta adreça. Pagatz en banc 6 euros (calendari + enviament) e en pòqui dies l'auetz en casa.

Campatz com a quedat!

https://drive.google.com/file/d/0B-84gq9PUKvNNFRkSTVmOVhZaW8/edit?usp=sharing

I Love Popes: activitats deth mes contra eth càncer

Eth mes d'octobre ei dedicat ara luta contra eth càncer de popa. Era visivilitzacion d'aguesta malautia qu'afècte a 1 de cada 8 hemnes ei important, non sonque entà sensibilitzar ara gent, senon tanben entà saber que non èm soletes.

Nosates participèrem ena caminada solidaria organitzada pera AECC en Aran qu'auec lòc eth passat dimenge 20 en Vielha.

Tanben repetirem eth talhèr des coishins deth còr, auqeri que s'aufrissen as hemnes qu'an estat operades de cancer de popa. Enguan n'auem hèt 29 e les portaram entar espitau de Vielha. Ua tarde de dijaus fantastica en bona companhia. Er an que ven ac tornaram a repetir. Gràcies a totes es qu'i auetz participat!!!

Eth concèrt dera Corau

Eth passat diuendres 9 d'agost era corau dera nòsta Associacion auferic un concèrt ena glèisa de Les. Era respòsta dera gent ara convocatòria siguec un exit! gracies a toti e totes es que vengueretz, e as que non, acieu auetz es videos que Pablo Remiseiro mos hèc. Gracies Pablo!

Visita de la Asociación Garmitxa

El pasado fin de semana nos visitaron nuestros amigos de la Asociación Garmitxa Elkartea de Bilbao. Recordaréis que hemos estado (y seguiremos) recogiendo tapones de plástico para ellos. En septiembre del año pasado hicimos coincidir nuestro viaje anual y se los llevamos nosotras. Ahora era el turno de que descubrieran el Valle de Aran, y seguro que volverán!

Garmitxa es una asociación formada por las familias de 3 niños, Garkoitz, Mikel y Aymar con una de esas enfermedades raras que imposibilitan la ingestión de cualquier tipo de alimento. Nuestros tapones, que se pagan a 200 euros la tonelada, se destinan a la investigación de esta enfermedad. Un pequeño granito de arena en unos tiempos difíciles para los avances médicos. Podéis conocerlos mejor a través de su web o de su facebook.

Las 3 familias llegaron el viernes noche y el sábado nos fuimos a visitar la fauna de Aran-Park. Lobos inquietos, osos amorosos y sobretodo marmotas y cabras que se dejaban alimentar. Una comida en Es Banhs para recuperar fuerzas y directos a la fiesta de Era Shasclada, el primer acto de nuestra fiesta mayor, cuando preparamos "Eth Haro" para que sea plantado la tarde de San Pedro.

Al día siguiente, coincidiendo con la feria de primavera, los leones de Garmitxa instalaron su paradita y aprovecharon para sensibilizar a los visitantes. Al mediodía tocó el acto de hermanamiento, en el que se firmó un compromiso y se intercanviaron presentes (nosotras les regalamos un Haro de recuerdo de Les). Aquí tenéis los videos:

Todo acabó cargando el autobús con muchos y muchos tapones, tantos que las maletas viajaron arriba!

Os recordamos que seguimos recogiendo tapones y que los podéis llevar a los siguientes puntos de recogida:

• Ajuntament de Les
• Termas Baronia de Les
• Escòla publica Alejandro Casona (Les)
• Perruqueria Anna (Les)
• Libreria Er Areu (Les)
• Escòla d'adults (Vielha)
• Espitau de Vielha
• Pescaderia Navarro (Vielha)
• Bar Hiru (Bossòst)
• Escola publica de Bossòst
• Escòla publica de Es Bòrdes

seguro que hay más, porque nos llegan tapones de Arties y Salardú. 

Si nos avisais nosotras mismas os los vamos a buscar!

Os dejamos con unas fotos resumen del fin de semana.
Hasta pronto leones campeones, esperamos que volváis a vernos!

Acta dera Assemblada generau 2013

ORDEN DETH DIA

9 de març de 2013. 17.30 ores, sala d’actes der Ajuntament de Les

1.     Era presidenta da era benvenguda.

2.     S’apròve er acta anterior.

3.     Informacion des nautes e baishes de sòcies. A dia d’aué èm 63 sòcies.

4.     Resum d’activitats 2012.

5.     Balanç economic presentat pera tresorera.

• S’explique era situación actuau e er estat des subvencions demanades
• Informacion dera quòta 2013, se comunique que era cuòta se crobarà peth banc e se demane que hesquen arribar eth numero de compde ara junta.
• S’apròve era contractacion d’un gestor, Cadion en Vielha.

6.     Naui projèctes entath 2013 e continuacion des existents:

• Gimnasia, deluns, dimercles e dijaus de 20.15 a 21.30 ores
• Salsa, dimarts de 21.30 a 22.30, Kelvin será eth nau profesor a partir de dimarts 9 d’abriu
• Corau, deluns de 19 a 20 ores
• Recomence era informática en Punt Omnia, Hug de la Rosa contactarà as que èren apuntades er an passat
• Recomence eth grop excorsionista en mai, damb Mildred e Mireia coma impulsores.
• Se propòsen talhers de cuerta durada: Recicl’Art (Nuria Niñerola), Smilling body (Inma Llauradó), codina (Escola Osteleria de Les). Enviaram ua lista damb totes es possibilitats as sòcies entà que poguen apuntar-se.
• Continuam damb eth cicle de conferencies, damb es temes proposadi que seguissen: rol deth cuedador, adolescents, e addiccions. Fany Revilla mos ajudarà ena organización contactant a Lourdes deth CDIAP.
• Tornaram a organizar actes de commemoracion de dates significatiues: 8 de març, Hèsta d’Aran, Concurs de dolços per Sant Juan, tirada de corda per Sant Jaime, 25 novembre, jornada Intercultural.
• Seguim damb es activitats de cooperacion e solidaritat: eth 10-12 de mai ven era Associacion Garmitxa, entara que recuelhem taps e cau organitzar activitats.
• Tornam a col·laborar damb era AECC damb eth talh`r de coishins entà hemnes afectades per càncer de popa.
• Tornaram a participar ena Marató TV3.
• Tornam a encargar loteria de Nadau, damb eth madeish numero.
• Entà finançar-mos, s’apròve era creaciond’un calendari e era activitat de tricot e cafè.
• Es projectes entàs qu’auem demanat subvencion queden pendents dera sua recepción: talher “era violéncia de genre ena escòla”, talher “En tot apréner amassa a envielhir en forma”, projecte “era Querimònia des hemnes”, Exposicion “memòria de hemna”
• Continuam demanant ar Ajuntament un locau sociau, que en futur pòt convertir-se en centrre de dia entara gent grana.

7.  Enes precs e demanes Hug de la Rosa mos convide a participar en Cineforum que s’organizarà; Modesta mos demana de gestionar es naues samarretes des hemnes entara Shasclada; Pilar Busquet propòse estudiar era recuperación de tradicions entà dinamizar eth pòble; Maria Puyol propòse un intercanvi d’objectes de segona man e era possibilitat de muntar un mercat.

8.  S’acòrde demanar ua reunión damb er Ajuntament entà presentar eth calendari d’activitats e demanar un còp més un locau entara Associacion.

Carta ath Magnífic Síndic d'Aran sus es subvencions

Les, 24 de març de 2013

Mgfc Sr. Carlos Barrera

Sindic d’Aran

Conselh Generau d’Aran

Passeg dera Libertat, 16

25530 Vielha

Senhor,

Era Associacion “Hemnes de Les” ei ua organizacion sense ànim de lucre que balhe impuls a diuèrsi projèctes e activitats que contribusíssen ara visualizacion, coesion e desvolopament deth collectiu femenin. Eth nòste principau àmbit d’accion ei eth pòble de Les, més pòc a pòc mos convertim en referent entà d’autes hemnes dera Val d’Aran. Ua part des nòstes accions se centren ena transferéncia de coneishements e ena dinamizacion locau e, en aguest sentit, apostam fòrt pera difusion dera cultura tradicionau com a motor de desvolopament e coesion.

En agost de 2012 presentèrem, per prumèr còp, es nòstes prepauses laguens dera convocatòria des subvencions deth Conselh Generau d’Aran en matèria de cultura e lengua, damb un projecte d’exposicion de fotografies sus era istòria contemporanea dera nòsta Val, centrada enes viuences deth collectiu femenin deth Baish Aran en temps dera postguèrra espanhòla. Ère un projècte damb ua dobla foncion: per un costat, dar a conéisher ua part dera nòsta istòria que cor eth risc de desparéisher e per un aute costat, crear un esveniment físic de dinamizacion culturau en Baish Ara, entà descentralizar era ofèrta actuau.

En respòsta ara nòsta demana, receberem en data 7 de gèr, era notificacion oficiau de denegacion d’aguesta demana per part deth CGA. Ara seguida, aportèrem eth certificat d’isenda que se mos demanaue e, a data d’aué non auem tornat a recéber cap notificacion, ne a favor ne en contra. Telefonicament se mos a dit qu’eth CGA mos a concedit 600 euros e que mo’les cau justificar abantes deth 31 de març de 2013.

Compreneratz donc, qu’eth nòste sentit comun, com associacion sense ànim de lucre, mos ditz que çò de prudent ei demorar a saber s’auem finançament entà tirar endauant aguestes activitats. Non especulam damb es quòtes des nòstes associades; non gastam mès de çò qu’auem e tota despena ei justificada jos era filosofia deth besonh, era logica, er interés generau e eth sentit comun.

Damb aguesta carta, e un viatge exposadi es antecedents, vos hèm a arribar eth nòste descontent e suspresa damb era logica e eth desvolopament deth procès de concession de subvencions en airau de cultura e lengua, pes motius que seguissen:

·       Eth calendari des subvencions deth CGA non permet era planificacion per auança des activitats: s’era resolucion arribe en 2013, resulte impossible justificar activitats qu’an estat realizades en 2012. Atau madeish, s’eth posicionament deth CGA ei eth de qu’es possibles beneficiaris des subvencions realizen es activitats sense saber se compden damb era collaboracion dera maxima institucion, non resulte pas justificat qu’eth suposat patrocini deth CGA apareishe ena publicitat des activitats.

·       Es projèctes subvencionadi s’an convertit en un calaish de sastre generalista a on toti sagen de precisar pòc es contenguts entà auer cèrt marge de maniòbra: projectar e desvolopar activitats sense saber se se compdarà damb eth supòrt deth CGA ei, ath nòste enténer, entrar un sistema pervèrs que, en part, mos a portat ara situacion de crisi e desafeccion politica actuau. S’es institucions vòlen recuperar era sua credibilitat an de melhorar es procèssi de subvencion e era accion de govèrn e hèr-les mès transparents e democratics.

·       Ei de besonh apostar pera qualitat mès que pera quantitat: era logica des retalhades e es problèmes damb era aprovacion deth pressupòst deth CGA mos hèn a pensar, en tot apelar ath sentit comun, qu’ei de besonh acabar damb es projèctes pòc clari e qu’apòrten pòc ath conjunt des aranesi e araneses. Hèr país signifique coesionar, reforçar era identitat individuau e collectiva, autant laguens com dehòra des frontères dera Val d’Aran. E, se volem trabalhar laguens deth nòste país, cau compdar damb es moviments sociaus, damb es iniciatives innovadoras e desinteressades. Ei de besonh ramplir horats de coneishement, cau apostar per naues maneres de hèr, cau reconéisher eth trabalh dera societat civila... e entad açò ei de besonh dar supòrt economic sufisent a determinadi projèctes. Era filosofia “un shinhau tà toti tà que non se digue” non mos pòrte enquiara excelléncia de besonh en temps de crisi. Nosates apostam per hèr dehòra deth sistèma dera mediocritat e er oportunisme.

·       Era cultura e era lengua son qüestions centraus ena nòsta identitat: ua institucion com eth CGA haurie d’apostar fòrt per projèctes e collectius que, desinteresadament, trabalhen peth ben de toti es aranesi e araneses. S’era cultura e era lengua son identitat, trabalhem per saber qui èm e d’on venguem. Sonque atau poderam díder qu’èm aranesi. Aguest trabalh en cap cas pòt èster generalizador e omogenizador: Aran ei format per diuèrsi collectius, entre eri es hemnes, e toti an contribuit ara nòsta istòria collectiva. Reconeishem-les. Valorem-les.

Pr’amor d’aguestes rason, e damb eth còr ena man, vos demanam que:

·       replantegesquetz era logica e eth calendari des vòstes subvencions,

·       mos concedisquetz ua pròrrogra entà invertir melhor era quantitat concedida, complementant era infima quantitat que receberam damb es subvencions deth 2013, as que tanben mos presentaram damb eth madeish projècte entà non ipotecar era sua excelléncia.

·       condesquetz damb organisacions civius com era nòsta entar assessorament en es diuèrsi ahèrs que mos podessen interessar.

Volem implicar-mos, volem proposar, volem hèr, mès non ac podem hèr soletes. Mos cau anar toti e totes dera man.

Coraument,

Associacion Hemnes de Les

C/ Quairon, 2 baix 2ª. 25540 Les

Un an de Hemnes

Eth passat dissabte 9 de març concentrec es actes commemoratius deth dia mondiau dera Hemna. Comencerem damb era tradicionau caminada Les-Bossost-Les, ena que ua quinzena de hemnes mos ac combinerem er espòrt damb ua bona estona. Gracies tanben a aqueres que vengueretz d'auti pòbles, mos encante que vos higesquetz as nòstes iniciatiues!

era còsta que còste de pujar

Blua que mos ajudec a passar es arrius 

es prumères en arribar

era més joena de totes: Nòa

era més valenta: Elsa

era pròva de qu'arriberem en Bossòst

eth camin de tornada, en tot arribar en Les damb eth tuc d'Aubàs ath hons

mos auem guanhat er aperitiu! er an que ven un aute còp

Pera tarde mos amasserem entà hèr era I assemblada annau dera Associacion Hemnes de Les. Era Junta presentec er estat de nautes e baishes de sòcies, es compdes e es activitats realizades. Entre totes es assistentes decidirem quines activitats repetiem en 2013, atau coma es naues propòstes entà tirar endauant. Enes proplèus dies vos passaram er acta entà que ac podesquetz vèir damb detlh.

Era assemblada, damb Mireia presentant diuersi ahèrs

Hug de la Rosa tanben mos venguec a parlar deth Cineforum e des corsi d'informatica

Un còp tot decidit, era corau Hemnes de Les mos aufric un repertòri de cançons fantastic e mos susprenec cantant en inglés, portugués, italian, catalan e occitan. Un gran concèrt entà un gran dia.

Era corau Hemnes de Les, damb Maria coma directora

es veus nautes, concentrades!

es nautes en plena accion!

un auta fòto deth grop, fantastiques!

es veus baishes, damb ritme de samba!

 Entà acabar auerem un aperitiu, era Associacion aufric era beguda e es nòstes sòcies bèra causòta entà picar. Gracies a totes es que collaboreretz! Siguec un moment de trobada, d'arrir e de comentar eth dia ath temps que podiem veir amassa es fotografies dera exposicion "Un an de hemnes" que encara ei plaçada ena entrada der Ajuntament de Les.

Er an que ven i tornam, encara damb més ganes! Gracies ar Ajuntament peth sòn supòrt, per cedir-mos era sala d'actes e a totes e toti es que vengueretz per participar enes actes de dinamizacion locau que des dera Associacion Hemnes de Les hèm en pòble.